Inama nkuru y’Abanyamigabane muri CHIC FINANCE PLC na CHIC Ltd yo gusuzuma iterambere no gutegura icyerekezo cy’ahazaza

Kigali, ku wa 11 Nzeri 2026, Abanyamigabane muri CHIC LTD na CHIC FINANCE PLC, hamwe n’Inama y’Ubuyobozi, bateraniye mu Nama Nkuru y’Abanyamigabane (General Assembly).

Iyi nama yabaye umwanya wo gusuzuma aho CHIC FINANCE PLC igeze mu iterambere, kureba ibikorwa byagezweho no kuganira ku cyerekezo cy’ahazaza cy’ikigo.

Mu rwego rwo kugeza ku banyamigabane ishusho y’aho ikigo kigeze, Umuyobozi Mukuru wa CHIC FINANCE PLC, Festus GASIGWA yagejeje ku bitabiriye inama ishusho rusange y’iterambere ry’ikigo, agaragaza ibikorwa byakozwe, intambwe imaze guterwa ndetse n’ibikorwa bikomeje gushyirwa imbere mu rwego rwo guteza imbere CHIC FINANCE PLC.

Abanyamigabane n’Inama y’Ubuyobozi bagize umwanya wo kungurana ibitekerezo ku iterambere ry’ikigo, kureba ibyagenze neza, kugaragaza ibikwiye gukomeza kwitabwaho ndetse no gufata ingamba zigamije gukomeza guteza imbere ikigo.

Mu ijambo rye, Umuyobozi w’Inama y’Ubuyobozi ya CHIC FINANCE PLC, Jean Pierre IYAMUREMYE yagaragaje icyizere ko umwaka wa 2026 uzarangira hagaragara iterambere rifatika mu rugendo rw’ikigo, ashimangira ko ibikorwa n’ingamba biri gushyirwa mu bikorwa bizakomeza gutanga umusaruro.

Ibiganiro byibanze kandi ku gukomeza kubaka ikigo gikomeye kandi kirambye, guteza imbere imiyoborere myiza, gukomeza gutanga serivisi nziza ku bakiliya no kongera agaciro ku banyamigabane.

Inama yasojwe n’umuhate uhuriweho wo gushingira ku byagezweho, gukomeza gutera imbere no gufatanya mu gushyira mu bikorwa icyerekezo kirambye cya CHIC FINANCE PLC.